پیٹ کے لئے کسی عجوبے سے کم نہیں ۔۔ ایک مولی جسم کو کتنی توانائی فراہم کرتی ہے؟ جانیئے

سردی کا موسم شروع ہونے ہی والا ہے اور بازاروں میں جگہ جگہ مولی نظر آنا شروع ہو گئی ہے، مولی شوق میں تو سب ہی کھاتے ہیں مگر اس کے فوائد سے بہت کم لوگ ہی واقف ہیں، مولی جگر اور پیٹ کے مسائل دور کرنے کے ساتھ ساتھ اور کون سے جسمانی مسائل کو دور کر سکتی ہے آیئے جانتے ہیں۔

• سفید مولی کے کرشماتی فوائد
• جگر اور پیٹ کے لئے مفید
مولی میں بےشمار غذائی اجزاء پائے جاتے ہیں جو کہ جگر اور پیٹ کے لئے بےحد فائدے ثابت ہوتے ہیں ساتھ ہی یہ جسم کو توانائی بھی فراہم کرتی ہے مولی کے استعمال سے خون بھی صاف ہوتا ہے یہ جسم میں سرخ خون کے خلیات کو ختم ہونے سے بچاتی ہے۔

• بلڈ پریشر میں مفید
بلڈ پریشر ایک ایسا مسئلہ ہے جو اگر ایک بار ہو جائے تو ساری زندگی کا روگ بن جاتا ہے اس لئے بلڈ پریشر سے بچنے کے لئے ایسی غذاؤں کا استعمال کرنا چاہیئے جو کہ خون کے بہاؤ کو نارمل بنائے مولی ایک ایسی سبزی ہے جس میں پوٹاشیم ہوتا ہے یہ پوٹاشیم سوڈیم کی مقدار کو کنٹرول کرتا ہے جس سے ہمارا بلڈ پریشر کنٹرول میں رہتا ہے۔

• یرقان سے نجات
یرقان کے مرض میں مولی کے پتوں کا رس نکال کر چینی ملا کر مریض کو پلانے سے یرقان ختم ہو جاتا ہے اور اچھی مقدار میں مولی کھانے والوں کو کبھی یرقان نہیں ہوتا۔

• وزن گھٹانے کے لئے بہترین
کیونکہ مولی ہمارے نظام ہاضمہ کو درست کرتی ہے جسم سے فاسد مادوں کا خاتمہ کرتی ہے اس لئے اس کے استعمال سے وزن میں بھی کمی آتی ہے اگر آپ موٹاپے سے پریشان ہیں اور وزن کم کرنا چاہتے ہیں تو مولی کے رس میں لیموں اور نمک پلا کر پیئیں۔ اس سے آپ کے وزن میں حیرت انگیز کمی آئے گی، بلڈ پریشر کے مریض نمک شامل نہ کریں۔

• کیڑے کے زہریلے ڈنک سے بچائے
کسی بھی کیڑے کے کاٹنے کے بعد ہونے والی سوجن، درد اور زہریلے ڈنک کے اثر کو ختم کرنے کے لئے مولی کا رس متاثرہ جگہ پر لگائیں سوجن اور درس سے نجات مل جائے گی۔

• دمہ میں مفید
ایسے لوگ جنہیں دمہ یا سانس کی تکلیف ہوتی ہو انہیں چاہیے کہ وہ باقاعدگی سے مولی کھائیں کیونکہ اس میں موجود اجزاء کی بدولت سینے کی جکڑن کم ہوتی ہے اور سانس لینے میں آسانی ہوتی ہے۔

Sharing is caring!

Categories

Leave a Reply

Your email address will not be published. Required fields are marked *